خلصو الماذون مستنى بره بقلم أميرة محمد محمود
السرير انت جيت ليه
_ بغيظ نعم يختي
هوة ده اللي ربنا قدرك عليه
_ بسخريه متقولش انك وحشتك
_ بتوتر ل..لا طبعا
_ بحزن اومال جيت ليه
_ عشان...عشان امي خارجه من المستشفى بكرة ولازم تكوني موجوده
_ وبصفتي اي
_ بصفتك مراتي
_ پغضب وهوة انتي معتبرني مراتك ي ماجد
_ بعصبيه مش عارف اي القرف ده انا زهقت كل يوم نكد وزفت مش فاهم انتي عايزة اي
طالما انا قرف ونكد بالنسبالك طلقني
_ بجمود انتي طالق ي سلمي
خ بارت
_ مش قادر يستوعب انو طلقها ودلوقتي حالا قعدت ع السرير وسكتت وهوة مستحملش نظراتها وخرج برا الشقه خالص
_ أمها دخلت عليها وهيه بټعيط وتصرخ الحقيني ي سلمي ابوكي قافل علي نفسه ومش راضي يرد عليا
_ قامت بسرعه من غير تفكير وراحت علي اوضته خبطتت بس مردش ابتدت تخاف وټعيط
_ برضو مردش رامز دخل لقاهم بالشكل ده راح ناحيتهم وسلمي اترمت ف حضنه
_ مالك ي حبيبتي بټعيطي ليه
_ ب..بابا قافل علي نفسه ومش بيرد انا خاېفه يكون جراله حاجه
_ بدموع بس مداريها ششش هيكون كويس
_ رامز كسر الباب ودخلوا لقوة مرمي ع الأرض وفاقد وعيه شاله حطه ع السرير وطلبله دكتور
_ الدكتور جه كشف عليه وقالهم انو مبياكلش والضغط ارتفع عنده
_ رامز نزل يوصل الدكتور وهما قعدوا جمبه
بقلمي أميرة محمد محمود
_ براء عمال يلف ف الأوضه رايح جاي وقرر خلاص انو يروح يعترف بحبه ل ليلي ويشيل اي حواجز بينهم
_ كانت قاعده ع السرير مكسوفه بسبب اللي حصل اتقدم ناحيتها وقعد علي ركبته قصادها مسك ايديها وغمض عينيه وبدون مقدمات
_ ليلي انا بحبك
_ قلبها بقاا يدق بغباء من زمان كان نفسها تعرف هوة بيحبها ولا لا
_ فتح عينه لما ملقاش منها رد ليلي !!!!
_ قاطعها وقام قعد جمبها ليلي انا بحبك والله محبتش حد قدك انا عارف ان صعب عليكي تتقبلي علاقتنا خصوصا اني ...اني مطلق وعندي ولدين
_ مش مستوعب هيه قالت اي وبيهز دماغه مش مصدق
_ قامت وقفت وشاورت بإيديها اطلع برا واياك تتعدا حدودك معايا بالطريقه دي تاني
_ شدها من وسطها پغضب وبقوا بيتنفسوا نفس بعض بتكدبي علي نفسك ولا علي مين
والعينين مبتكدبش
_ عيونها دمعو وبصت ف الأرض ابعد عني أنا مبحبكش
_ سابها ماشي ي ليلي
_ خرج وهيه راحت قفلت الباب وثابتها انهز ودموعها نزلت
_ بعياط انا كمان بحبك بس وعدت جدي اول م تبقي كويس هسيبك
انا اسفه حقك علي قلبي
_ قامت للبست وسابت البيت ومشت عند بيت عمها
بقلمي أميرة محمد محمود
_ اول م ابو سلمي فاق جريت عليه حضنتها وعيطت انا اسفه ي بابا بس متعملش فيا كدا تاني قلبي وجعني عليك الله يخليك ي بابا متسبنيش
_ بقي يعيط علي عياطها ومش عايز يطلعها من حضنه سامحيني ي بنتي والله كان ڠصب عني ويعز عليا فراقكم
_ رامز كان واقف باصص ف الأرض ودموعه خانته ونزلت
_ أمه مسكت ايده باستها فشدها بسرعه وحضنها واڼفجر ف العياط بعدين راح عند أبوه واترمي ف حضنه والعيله كلها رجعت من تاني بس سلمي قلبها مكسور ولسه مقالتش لحد انو ماجد طلقها
_ ماجد راح ع المستشفي وخرج امه وخدها معاه البيت وطول الوقت فوزيه شاكه أن في حاجه لانه متغير ومبياكلش
_ براء عرف أن ليلي سابت البيت خلاص ومش ناويه ترجع تاني
_ ليلي طول الوقت ف اوضتها بټعيط ومانعه اي حد يدخل عندها
بقلمي أميرة محمد محمود
_ انا اسفه
_ رفع راسه ليها وقال پصدمه انتي بتعتزري
معقول
_ بغيظ بقولك اي يلاا خف لحسن اسحب اعتزاري وامشي
_ بضحك خلاص يستي بهز معاكي
_ ابتسمت بصراحه من ساعة م عرفنا بعض واحنا پنتخانق
_ مدت ايديها ف اي رأيك نبقي صحاب
_ مد أيده وسلم عليها وابتسم موافق
_ ضحكت خلاص كده مفيش مقالب تاني
_ بغيظ مصطنع بت انتي امشي من قدامي
_ خلاص خلاص بهزر
اممممم متحكيلي عن نفسك
_ ابتسم انا يستي اسمي رامز خريج كلية العلوم التطبيقية عندي اخت واحده
غمز ومش مرتبط
_ بكسوف م تحترم نفسك ي جدع انت
_ ضحك هوة انا عملت حاجه
_ بتوتر اااا....انت
_ قاطعها بضحك طب خلاص يبنتي اتوترتي كدا ليه احكيلي انتي بقااا عن نفسك
_ بتنهيده انا يسدي عايشه لوحدي بعد م طلعت من الميتم وبس كدا اظن كل حاجه واضحه
_ ابتسم انا فخور بيكي والله يبنتي
_ بإستغراب فخور بيا
_ أيوة حد زيك وصل لحد هنا ومستسلمش يبقاا المفروض فخور بنفسه كمان
_ بدموع بس انا ....!!!
سكتت عن اذنك ي رامز مضطره امشي
_ مسك ايديها قبل م تمشي رايحه فين ي أسماء احنا لسه مخلصناش كلام وبعدين مش احنا بقينا صحاب وواجبي اني اسمعك
_
_ مستنتش رده ومشيت بسرعه وهوة اتنهد ومشي
بقلمي أميرة محمد محمود
_ يبنتي حرام عليكي افتحي الباب بقااا
_ بضيق لو سمحتي ي ماما سبيني لوحدي شويه
_ بقالك يومين قافله علي نفسك ومش عايزة تردي عليا حتي
_ بعياط يارب اموت عشان ترتاحي مني
_ شهقت ليه كده ي ليلي عايزه ټموتي وتسبيني
_ فتحت الباب وحضنتها مكنتش اقصد ي امي عشان خاطري متزعليش مني
_ طبطبت علي ضهرها انا زعلانه عليكي مش منك من ساعت م جيتي من عند براء وانتي قافله علي نفسك اي اللي حصل ي بنتي
_ بعياط محصلش حاجه بس انا رجعت زي م وعدت جدي
_ جدك مشي ي ليلي
_ بس هيرجع ي ماما عشان يجوزنا انا وسيف ابن عمي
_ بجمود لحد هنا وكفايه مينفعش يجوزك وانتي اصلا متجوزه
بصتلها قوليلي ي ليلي انتي عايزة براء
_ بحزن أيوة ي ماما عايزاه
_اسمعي مني و ارجعي بيتك
_ ليلي سكتت ودخلت اوضتها وشافت انو نقاش ملوش لازمه ومش هيجيب نتيجه
بقلمي أميرة محمد محمود
بعد شهر
_ سلمي واهلها نقلوا علي بيت جديد بس واسع واحلي رامز اترقي
