لو سمحت هو انت ظابط

_لو سمحت
نعم .
بفرحة اطفال _هو انت ظابط !!
لا بجرب البدلة .. حضرتك شايفة الي على كتافي دول ولا الشمس مأثرة ولا ايه نظامك بالظبط .
كنت رايحة اجيب اخويا من المدرسة و كنت متعودة اني اروح مع مرام صحبتي بس الندلة خلعت .. و انا م بعرفش اعدي الطريق فا شفت واحد كان واقف بألاطة شوية و بيني و بينه ٥ متر كده .. المهم رحت اسأله فا طلع ظبوطة و انا نقطة ضعفي الظبوطين .. اه والله زمبقولك كده .
_معلش بس لو مش هضايق حضرت..
قاطعني هو انتي لسه ما ضايقتنيش 
_والله همشي .
لا والنبي خليكي .. ما تمشي يا ستي هو انا اعرفك 

_مهو انا مش هينفع امشي .
هو يوم باين من اوله .. طيب قولي عايزه ايه .
_ا..ا.. احم .. ممكن يعني تعديني الطريق .
تنح ٥ دقايق كده هو انا قلت حاجة غلط يا جدعان
معلش انا حاسس اني سمعت غلط .. ممكن تقولي تاني كده .
_ممكن تعديني الطريق
يعني انا ما سمعتش غلط !! .
_لا سمعت صح .
اتنهد و بصليهاتي ايدك .
_افنددممم!!!
مش قصدي بس هعديكي ازاي 
طلعت المنديل منقوش من الي بعملهم _بص انت امسك طرف و انا طرف .
ضحك و بصلي ماشي يا ستي
عدينا الطريق و بسم الله ما شاء الله منظري بقى زي الطين .. فينك يا مرام الكلب .. على الاقل بتستري عليا .
يا آنسة .
لفيت بعد ما كنت بجري عشان الحق الواد _ نعم .
بابتسامة المنديل
بابتسامة امتنان_خليهولك عشان انت استاذ جدع و تستاهله .
و جريت من قبل ما يرد .. اشوف الواد الي اتشحم في الشمس ده .
_بوودييي
بصلي باستحقار و لف وشه الناحية التانية الواد ده ما شافشي نص ساعة تربية ..اه والله العظيم
قال بتريقة هاجي بدري يا بودي .. مش هتأخر يا بودي .. مسافة الطريق يا بودي نينينينينينيي
_يا بني انت متأكد انك في ٤ ابتدائي 
ما تغيريش الموضوع .. كنتي فين .
اتنهدت من لماضته _كنت بجيبلك الشوكلاتة الي انت بتحبها .. قلت لازم و حتما و لابد اجيب الحاجة الي بودي بيحبها.
بصلي وبعدين بص للشوكلاته بتردد وبعدين خدها و قال ما تعمليهاش تاني 
اخذتها من ايده تاني و قلت _ لا مهو انا زعلانة من كلامك بقى و عايزاك تصالحني ولا هي وكالة من غير بواب يعن..
خدت مش باخد احلى منهم في حياتي والله لحد دلوقتي .
يلا يا وصال النهاردة ميعادك مع الاستاذ الي هيعلمك السواقة .
_انا جهزت اهو خلاص يا ماما ادعيلي بقى .
ربنا معاكي يا بنت بطني و يحمي البشرية منك .
_تشكري يا امومة .
قررت وبعد جهاد مع ذاتي اني اسوق عربية بابا الله يرحمه و اهو بردو ما اسمحشي للي سوى و الي ما يسواش انه يشوف هبلي و انا بعدي الطريق .. يلا استعنى على الشقا بالله .
هو حضرتك عندك كام سنة 
_٢١ ليه 
و لحد دلوقتي ما طلعتيش رخصه 
_اه
طب اتفضلي معايا معلش .
كل ده عشان ما طلعتش رخصة في سن القانوني .. يا عم انا حرة انت معترض ليه .. اما ناس غريبة صحيح .. ايدا !! .. ده قسم!! .. انت هتسجني عشان ما عملتش رخصة .. طب سيبني اصغرلك و اعملها و اكبر تاني عادي بس بلاش پهدلة .. يا صغيرك على الهم يا لوزة .
_ل.. لوسمحت .. هو حضرتك جبتني هنا ليه !
هتدفعي الغرامة هنا و هتكتبي تعهد انك هتطلعي من القسم تعملي رخصة علطول .
_طب ما اعمل كل ده في اي حتة غير القسم !
والله يا بنتي دي أوامر .. مش بمزاجي .
دخلت و قعدوني في مكتب واحدة اسمه مالك .. مكتبه فخم و حلو .. الوانه هادية بس تحس بسرسوب خوف لما تشوفها .. ده كفاية انك في القسم دي لوحدها تجيبلي سكتة قلبيه من الخۏف والله .
طيب يا شاويش حسين .. حطلي المجرمين بتوع قضيه القتل كل واحد في حجز انفرادي لحد ما افوقلهم .
الباب اتفتح و لقيت حد بيتكلم من ضهره .. بشبه عليه .. بس