مكتوبه علي اسمي
لصق على فمه وواحد ملثم قاعد جمبه وحاطت السلاح في دماغه وهددوه عشان يركب معاهم بهدوء...
ركب معاهم وفجأة خدروه وهو في العربية ولما فاق لقى نفسه هنا في الغرفة المظلمة دي لوحده ومفيش حد بيتكلم معاه غير شخص واحد بيدخله الاكل والمايه وبيخرج علي طول!.
عامر كان قاعد وبيفكر في كل اللي حصل معاه وبيفكر في باباه اللي ميعرفش المجرمين دول ممكن يكونوا عملوا فيه ايه...وبيفكر في آيات اللي أكيد هتتجنن عليه وهي مش عارفه توصله...ووالدته وخالته وشريف...كان بيسأل نفسه ياترى هما عاملين ايه دلوقتي وحسو باختفائه ولا لا...واتنهد باشتاق ل آيات وهو بيفكر فيها وبيفتكر لحظاتهم الجميلة مع بعض.
عامر بصلها بدهشة وقال باللغة الإنجليزية...هل لي أن أعرف لماذا أنا هنا
اقتربت منه بأغراء وقعدت جمبه وقالت...أنت هنا حتى نتمكن من الاتفاق.
البنت ضحكت وقالت...والدك بخير. لقد أخذ دليل براءة أخيك وذهب ليطلق سراحه.
عامر بدهشة...لماذا أنا هنا
..أنت هنا حتى نتمكن من الاتفاق. لقد قدمنا ما يثبت براءة أخيك وعليك إتمام الاتفاق.
عامر قام وبعد عنها وقال پغضب...عن أي اتفاق نتحدث
البنت قامت وقفت وقربت منه مرة تانيه وعامر بصلها پغضب وهي استغربت من نظراته الغاضبه لها وانه مش بيتأثر ابدا
البنت...علينا أن نتفق أولا.
عامر... على ماذا
البنت...كيف ستضع المال في حسابنا.
عامر پغضب...ما هي الأموال التي يجب أن أضعها في حسابك هل تعتقدين أنه يمكنك أخذ أموالي عن طريق الاختطاف والبلطجة
البنت قالت...ما هي طريقتك المفضلة لأخذ أموالك
حست بالاھانة بسبب رفضه ليها وعدم تآثيرها عليه وقالت پغضب...وإذا أخبرتك أن هذه كانت الطريقة البديلة لإخراجك من هنا.
عامر اټصدم من كلامها وقالها...الحديث معك لا فائدة منه. أريد أن أتحدث إلى رجل.
قالت بثقة...لا أحد يستطيع إخراجك من هنا إلا أنا.
وخرجت البنت من الغرفة وعامر قعد وهو بيفكر في طريقة يخرج بيها من هنا.
رواية مكتوبة على إسمي بقلمي ملك إبراهيم.
خرجت البنت من الغرفة اللي عامر فيها ودخلت مكان واسع فيه شاشة عرض كبيرة وكان معروض فيلم أجنبي اكشن وقاعد رجل يبلغ من العمر 50 عام بيتفرج على الفيلم وفي ايديه كاس من مشروبه المفضل.
البنت قربت منه وقعدت على مقعد جمبه وهو بصلها بطرف عينيه وبص علي شاشة العرض مرة تانيه وسألها...يبدو أن الحديث مع الشاب ممتع...لماذا تأخرت
