زى زنزانه كله بنات
داغر ضم شفايفه كده وااتنهد
داغر فضل ساكت ماتكلمش
هدير وهي لسه في حضنه
هدير _ انا .. انا عمرى ما شفت چثه قبل كده ياداغر ورغم كل اللي بيحصل حواليا بس مكنتش اتخيل مهما حصل اني اشوف چثث حقيقي
داغر ( وهو مضايق ان هدير شافت الچثث اللي هو قاتلها ) داغر _ هدير كفايه ..
هدير _ ( بعياط ) انا عارفه انك انت اللي مموتهم .. وعارفه انك قولتلي كده قبل كده الف مره بس .. بس كان عندي أمل لو واحد في الميه انك بتقول كده عشان تخوفني منك مش اكتر .. عشان مهربش منك .. اي حاجه ياداغر بس انت .. ( بشهقه وهي بټعيط ) بس انت ماطلعتش بتكدب .. انا اللي غبيه اني ماصدقتش
هدير رفعت راسها من علي صدر داغر بس كانت لسه ماسكه في ضهره بأيديها
هدير _ عشان .. عشان ( بلعت ريقها وهي بتبص في عنيه )
برغم كل حاجه مابحسش في المكان ده غير معاك انت بالامان ياداغر
داغر _ ( بغض.ب ) تبقي عبيطه لو حسيتي مع واحد زيي بالامان عشان اللي زيي مالووش امان انتي فاهمه
بقلمي مآآهي آآحمد
( الروايه دي بتاعتي انا ماهي احمد اي اكونت منزلها مش بأسم مآآهي آآحمد دي مش بتاعته بنزلها كل يوم الساعه عشره علي البيدج الاصليه حكآآيآت مآآهى وخللي بالكم لان في ناس كتير عامله اكونتات وبيدجات بأسمي وبينزلوا عليها رواياتي انا معرفش عنهم حاجه )
داغر ساب هدير ودخل البيت ووقف جنب الشباك اللي هدير قريبه منه وبقي ساند ضهره من الجنب عشان هدير ماتشفهووش وبقي يسمع صوتها وصوت نفسها وهي بترجع ومش قادره تتنفس وبتاخد نفسها بصعوبه
بقلمي مآآهي آآحمد
داغر ( في سره ) _ انت كده صح مكانش ينفع تخليها تقرب منك اكتر من كده .. ماينفعش
هدير بقت تحاول تقوم علي رجليها بس من الخضه كل ما تحاول تقف تقع مره تانيه
سندت بأيديها عشان تقف برضوا مافيش فايده فعلا الړعب مخليها مش قادره تصلب طولها
وبعد محاولات كتير اخيرا وقفت وبقت تسند علي جانب البيت عشان تدخل جوه بس الهوا اليوم ده كان فظيع والتلج كان بينزل والهوا بقي يودي ويجيب فيها
لحد ما وقعت وبقت تفتح عنيها بالعافيه
الذئبه الام شافتها كده قربت منها وبقت تشم فيها وبقت تلحس بلسانها وش هدير .. هدير اغم عليها وقتها والذئبه الام ابتدت تعوي واول ما داغر سمع صوت الذئبه زي ما يكون فهم اللي حصل وطلع بسرعه شال هدير وډخلها جوه البيت ونيمها علي سريره مانيمهاش جنب الطفله اليوم ده وهو بينيمها ڠصب عنه قرب منها وابتسم وبقي يملس علي شعرها وغطاها بالبطانيه وبعد عنها
بقلمي مآآهي آآحمد
واتنهد وسابها وقام ..وسند علي الحيطه بجنبه وربع ايديه وبقي يبص للسما وفضل واقف في الشباك بتاع الاوضه اليوم ده طول الليل ما تحركش من قدامه لحد تاني يوم ما هدير صحيت
واول ما صحيت هدير ابتدت تتحرك علي السرير وهي ماسكه راسها ومصدعه
هدير _ انا .. انا بعمل اي هنا في غدير
داغر _ ( ووشه ظاهر عليه علامات الغض.ب ) ماسمهاش غدير هي مالهاش اسم واعملي حسابك وده اخر انذار ليكي في خلال يومين اتنين تكوم الطفله دي بتتكلم يا أما وقتها هعمل معاكي زي اللي شوفتيهم تحت انتي بقالك هنا اكتر من اسبوع مش شايف منك اي أمل والطفله مافتحتش بوقها ونطقت
داغر قرب منها وبقي وشه في وشها
وشخط فيها بصوت خشن
داغر_ انتي فاااااهمه 😡😡
هدير قامت من علي السرير ووقفت قدامه وزي ما تكون مابقيتش باقيه علي حياتها خلاص وبتتحداه
هدير _ لاء مش فاهمه .. مش فاهمه ياداغر واللي انت عايز تعمله اعمله انا مش هغصب ابدا علي الطفله انها تتكلم مهما حصل انا بعمل اللي عليا معاها .. هي بقي اتكلمت .. اتكلمت ماتكلمتش مش هغصب عليها بالعافيه فاهمني ياداغر
