خلاص موافقه اتجوزك بس
وقال..احنا كويسين مالنا ما احنا تمام
سليم بخبث ...اممم بتتهرب قال يعني مش فاهم طب هسألك على طول علشان تفهم حصل حاجه بينكم ولا لسه اخوات خوات
حاتم بزهول من وقاحتو..يا بني ايه الي انت فيه ده حد يسأل حد سؤال زي ده
سليم ..اولا انت مش اي حد انت اخويا ثانيا رد ومتعملش عبيط
حاتم بحرج..لسه
سليم باستغراب...يخربيت اهلك ليه يا ابن الخايبه
متبقاش هنا لو مرجعتش الفلوس لان كرمتها فوق كل شئ ومش هتقبل تعيش معاك كأنك مشتريها ثانيا يمكن كاامها عن الطلاق يكون سؤال غير صريح منها علشان تعرف هتفضل معاها ولا لا حاول تتكلم معاها انت هتفضل قفل كده لامتى
حاتم ...قفل...مقبوله منك على العموم هحاول
بس قاطعهم صوت هنا قالت ادخل ولا ايه النظام
سليم بصلها بمكر وقال...اتفضليي اتفضلي يا هانم ايه جايه تطمني على جوزك الي ھيموت متقلقيش غير رأيو
هنا بتوتر..يعني يا سليم انت بتصدقو ده تعبان والله حتى شوف وشو اصفر ازاي
سليم قام وراح ناحيتها وقال ...طبعا شايفو وانا هفضل معاه متقلقيش ده اخويا برده يلا بقى خدي بالك منو اوعي تسبيه لحظه تمام علشان ميقعدش وحدو وهو تعبان عن اذنكم انا هاخد ندوش ونطلع نريح اصل في واحده غبيه خضتها والخۏف غلط عليها الايام دي
ندى بصت لهنا بابتسامه وقالت ..انا حامل يا هنا
هنا وامال وحاتم فرحو جدا وبقو يباركولها وسليم قال بخبث يلا ياهنا اقرصي اختك في ركبتها علشان تحصليها في جمعتها
هنا بلعت ريقها بكسوف وقالت..ان شاء الله تمام روح انت يا سليم خد مراتك وريحو اكيد تعبانين من السفر
سليم بمكر طبعا طبعا تعبانين يلا ياحاتم اشوفك بعدين خد بالك من صحتك يا حبيبي وزي ما قولتلك ماشي
حاتم قرب من هنا وقال بحب وراحه...تسلميلي شكرا بجد هي الطريقه غلط شويه بس النتيجه حلوه قوي زي كل حاجه بينا
هنا بعدم فهم....ازاي يعني زي كل حاجه بينا
حاتم بابتسامه...يعني كل الي بينا من اول جوازنا كان بدايتو غلط بس نهايته تجنن
حاتم بمرح..ياااه هو انا نكدي للدرجة دي
هنا بضحكه...الصراحه ااه
حاتم ضحك بخفه... وقال والله معاكي حق
هنا بضحك يلا كفايه رغي بقى لاني مش فاضيه بما اننا اجتمعنا اخيرا هحضر لكم عشا بنفسي حاتم قال تمام ودخل يا خد دش وهنا ابتسمت بارتياح وقالت...كده تمام سليم رجع مش فاضل غيرك يا حاتم انا عارفه ازاي هتنطق
باليل كانو االكل اجتمعو على العشا وكانو لاول مره مبسوطين جدا والكل فرحان هنا بتأكل اسلام بحب كبير وندى بتلعب مع حاتم الصغنن والجولطيف وسليم وحاتم قاعدين بيهزرو وبيضحكو لاول مره وامال بتحمد ربها على انها رجعت شافتهم مع بعض من تاني خلصو العشا وفضلو في هزار وضحك وقت طويل وراحو ينامو هنا دخلت اسلام اوضتو ونيمتو زي العاده ودخلت خدت دش وطلعت تسرح شعرها وحاتم طلع وراها
حاتم دخل وبصلها بابتسامه وخد هدوم ودخل الحمام خد دش وطلع
حاتم بارتباك..احم كنت عايزك في موضوع كده
هنا بسرعه..ابن حلال انا كمان عيزاك في موضوع
حاتم بابتسامه...قولي عشره
هنا بابتسامه..بص بقى انت وسليم رجعتو زي الاول واحسن ومبقاش في داعي انك تضايقو بيا تمام يبقى كده انا عملت الي عليا وكل واحد يروح لحاله
حاتم بحزن انتي ليه عايزه تسبيني يا هنا
هنا بعدت بعيد وقالت بخبث بص يا حاتم مش هكدب عليك انا بنت زي كل البنات نفسي اكون حياه وده مش هيحصل الا لو طلقتني علشان اخد حريتي واتجوز واحد احبو ويحبني
حاتم اتضايق جدا قرب ومسكها من دراعها بقوه وقال..تتجوزي عايزه تكوني مع حد تاني دانا احړق الدنيا انسي الفكره دي اساسا فاهمه
هنا بنرفزه..يعني ايه انا بعمل ايه معاك ولازمتي ايه معاك خلاص الي اتجوزتني علشانو اتحل دلوقتي بقى لازم تسبني اعيش حياتي
حاتم اتعصب جدا بقى يقرب عليها وهنا كانت بترجع لورا پخوف لحد مالزقت في الحيط حاوطها باديه وقال بعصبيه...يعني ايه تعيشي حياتك قولتلك بدل المره الف انك مش هتكوني مع حد تاني ولازم تتأقلمي يكون اريحلك استحاله اطلقك يارب تكون المعلومه وصلت وبعد عنها بنرفزه وكان هينام
بس هنا قالت بنرفزه..يعني ايه الكلام ده انا مش فاهمه وجودي هنا اصلا لحد دلوقتي خلاص خلصنا واظن اني كسبت التحدي ولازم ټوفي بوعدك انا مش عارفه انت مخليني جمبك ليه اديني سبب واحد
حاتم شدها من دراعها بقوه وحاوطها بايده التانيه وقال پغضب...سايبك جمبي علشان بحبك..بعشقك...مش هقدر اتنفس من غيرك ...بقيتي كل حياتي مش عارف ابعد ولا عارف اقرب بسببك انتي ايه مبتحسيش....ها الاسباب كده كفايه
هنا بصت في عنيه وابتسمت وحطت ايديها ورارقبتو وقالت بدلال...كفايه اوي اوي واخيرا الحجر نطق
حاتم بصلها باستغراب وقال....انت قصدك ايه يعني مش عايزه تطلقي
هنا بدلال ...تؤ تؤ اطلق دانت بقيت عمري كلو بقيت قلبي وعقلي بقيت النبض والدم انت متعرفش انا بحبك من قد ايه يا حاتم كنت بحاول اضغط عليك علشان تتكلم بس حتى لو محبتنيش مكنتش هسيبك اصلا مقدرش
حاتم كان بيبصلها بزهول وحب كبير ابتسم بسعاده تكفي الكون كلو وقال
....سامحيني حتى في دي كنت غبي كمان ومخدتش بالي من حبك ده كلو
هنا قالت بابتسامه.. وايه الجديد يا حبيبي
حاتم بعد عنها وبرق بزهول وقال....يخربيت الفصلان ايه يا بنتي لسانك حرام عليكي دانا المفروض بقول كلام حلو يعني بس مش مهم في حاجات اهم ورانا
هنا بعدم فهم...حجات حجات ايه الي ورانا بس شهقت لما حاتم شالها بسرعه وقال...حجات هتحبيها
هنا قالت بتوتر..اه ..تمام..تمام ياحاتم ..بس ايه هقولك اصل ندى انهارده جات وهيه هتسهر شويه ولازم اقعد معاها زمانها مشتقالي وووو
بعد ٨ شهور عدو على ابطالنا وهما في قمة السعاده كانت ندى ولدت وفي المستشفي وحاتم كان شايل الطفله الجميله الي اتولدت وقال بحب هتسميها ايه بقى
سليم بفرحه..هسميها رحمه. علشان ساعت ما عرفت بحملها كان ربنا رحم قلبي من عذاب سنين
حاتم حضنو بحب وقال تتربى في عزك و
بس قاطعهم صوت ندى الي كانت پتبكي ومش بتسكت
امال مبس يا ندى يا حببتي اختك كلها شهور وتولد كده تخوفيها
ندى بدموع ...انا تعبت قوي يا ماما مش عايزه اخلف تاني
سليم بضحك..مش عايزه ده ايه..انا عايز ٦ عيال شوفي نفسك هتجيبي كام واحد
