قصة حب بقلم ايمان صلاح

جامعه ابتسم بخبث _ ده انتي بنت عمي وقولت اوصلك الجامعه النهارده برضوا _انت ليه الأيام دي افتكرت انك ابن عمي وبعدين شكرا مش محتاجه انك توصلني وقفت ميكروباص وركبت وهو ركب قدام طلعت حاسبت ليا وهو حاسب لنفسه حتى مهتمش يدفعلي الاجره طول عمره معفن من الرجوله انه يقولي لا متحسبيش بس هو بخيل انا عارفه نزلت من الميكروباص ووقفت قدام الجامعه وهو جه وقف قدامي _ هاجر _يادي النيله يا ابني فوكك مني بقى _ يا هاجر انا عايزك تصحبيها بجد البت معاكي في إعلام _ وهو كل اللي في إعلام هيكونوا معايا يا ابني افهم ممكن تكون في مدرج تاني ومحاضرتها غيري _ لا محاضرتها معاكي انا سئلت _سئلت مين _ملكيش دعوه بقى يلا اتعرفي عليها _امشي طيب وبطل زن وانا لو كده هبقى اتعرف عليها لما تخطبها إن شاء الله _ ده انتي رخمه وانا هخطبها ازاي من غير ما اتعرف عليها يعني _ اللي بيحب حد بيتقدمله على طول من غير لف و دوران هز راسه بضيق _ انتي هتديني محاضرات في الأخلاق يلا روحي محاضرتك وانا هتصرف بصتله بقرف ودخلت انسان بارد بجد دخلت حضرت محاضراتي ووقتها ت نهال صاحبتي _ ازيك يا نهال عامله ايه _الحمدلله يا هاجر انتي عامله ايه ابتسمت_الحمدلله وحشتيني يا بنتي كنتي فين الفتره الفاتت _ كنت باخد دورات تدريبيه بصتلها بعدم فين _ دورات ايه اتكلمت بتوضيح_ ازاي تدربي تكوني مذيعه واعلاميه وكده ابتسمت_ااه انا كمان محتاجه الدوره دي جدا _خلاص تعالي معايا انا لسه هبدا الفتره الفاتت كنت بدور على مكان كويس ولقيت واشتركت تعالي معايا بعد المحاضره نسجل اسمك وتحضري معايا هزيت راسي وخلصت المحاضره وطلعت معاها روحت المكان ووقفت مع نهال وكان واحد واقف قصادها _ ازيك يا مستر حازم اخبار حضرتك ايه _الحمدلله يا نهال اخبارك ايه _الحمدلله يا مستر ده بقى مستر حازم اللي هيدربنا ودي بقى هاجر صاحبتي بصتله شوية بتركيز حاسه اني شوفته كده وبعدين بصلي وابتسم _ ازيك يا هاجر انتي في سنه تانيه مع نهال صح ابتسمت _ الحمدلله اه انا معاها _ طيب خدي امضي هنا وبكره إن شاء الله نبدا الكورس مع بعض ابتسمت وبعدها مضيت طلعت فلوس عشان الكورس بصلي وهز راسه _لا انا مش هاخد النهارده بكره إن شاء الله ابقى اخد منك بصيت ل نهال تغراب _مش انتي دفعتي المره الفاتت _ااه انا دفعت بس تقريبا دعاء اللي كانت هنا مش موجوده صح بصلي وابتسم _فعلا هي مش جوده اتت بيكي يا انسه هاجر طلعت انا و نهال وانا مش فاهمه نظرته غريبه مش مريحاني مش فاهمه ليه سلمت على نهال وكنت مروحه لقيت سراج في وشي وابتسم بغلاسه _ ها اتعرفتي عليها _ لا بصلي بضيق _ليه بقى مش قولتي هتتعرفي عليها _كنت مشغوله بكره ابقى اتعرف عليها وبعدين مين اللي هناك ده انت تعرفه كنت ببص بدهشه فبصلي تغراب _ ده حازم صاحبي وجارنا كمان فيه حاجه كنت هقوله أنه هو ده اللي هتدرب معاه بس سكت مش عايزه اتكلم معاه في حاجه لقيت حازم قرب مننا _ ازيك يا انسه هاجر _ الحمدلله حضرتك عامل ايه ابتسم_ الحمدلله سراج بصلنا بشك _ انتوا تعرفوا بعض حازم كان هيتكلم بس انا اتكلمت