قصة حب بقلم ايمان صلاح

بسرعه _ ااه اصل انا مصاحبه أخته فشوفته معاها كام مره حازم أكد على كلامي _ ااه هي صاحبة بسمله اختي والله انت عسل من غير ما اعرف اختك ولا اعرفك اصلا حازم سلم على سراج ومشي وبعدها سراج بصلي _ انتي صاحبة بسملة أخته اتكلمت بتوتر _ ااه فيه حاجه اتكلم بغيظ _ ومقولتيش ليه ما هي بسمله صاحبة ملك يا غبيه بصتله بضيق بعد ما حطيت نفسي في وارطه _ وانا اش عرفني بالزفته بتاعتك يا اخي بصلي بغيظ_ زفته في عينك ملكيش دعوه ب ملك ماشي اتكلمت بضيق _ يكش تولع انت وهي انا مالي انت اللي مصمم تخليني اتعرف عليها _ ولسه مصمم طبعا تتعرفي عليها _ والله انك مچنون بصتله بدهشه ومشيت مش عارفه دماغه بتوجعه ولا ايه تفكيره غريب وتصرفاته اغرب الحمدلله اني مدبستش فيه ! روحت البيت وسلمت على عمي ومراته وبعدها قعدت شوية ومن التعب نمت قومت تاني يوم جهزت نفسي واستاذنت من عمي وروحت التدريب لسه لحد دلوقتي مندهشه أن مستر حازم طلع جارنا روحنا التدريب ودخلنا قاعدنا وبعدها مستر حازم دخل ووقف وابتسم واتكلم _طبعا اتت بيكم وتطلعوا من هنا بخبره اكبر واستفاده اكتر كان واقف وبيدربنا وأوقات كتير كان بيبصلي ويبتسم وكنت مستغربه جدا فيه ايه خلصنا وطلعنا دفعت حساب الكورس ونهال استأذنت مني وقالت عندها شغل ومشيت وانا في الطريق لقيت مستر حازم قدامي _استني يا انسه هاجر _ نعم يا مستر حازم فيه حاجه _ لا بس يعني كان واقف مرتبك وانا نفسي مش فاهمه حاجه بصلي وقالي _ هو انتي طلعتي بنت عم سراج ابتسمت _ ااه انا بنت عمه وحابه اشكرك انك انقذتني امبارح ابتسم _ لا مفيش شكر ولا حاجه بس كنت عايز اعرف ليه مقولتيش على التدريب ل سراج _ محبتش اعرفه دلوقتي ل راي شخصي يعني _ ماشي يا انسه هاجر مبسوط اني اتعرفت عليكي ابتسمت _ وانا اتت بمعرفت حضرتك بعد اذنك وقفت الميكروباص وركبت وهو كمان ركب كنت بطلع الفلوس عشان احاسب بس هو دفع وقالي _دخلي فلوسك خلاص حاسبت _ ايه ده انا خلاص هدفع ابتسم _ خلاص دفعت قولتلك بصتله بضيق _ على فكره مينفعش اتفضل فلوسك ضحك _ الموضوع مش مستاهل كل ده دي هي خمسه جنيه يعني مش حكايه _بس _ مفيش بس تبقى أخدها من سراج يا ستي ولا تزعلي نفسك ابتسمت ب احراج هو اه كنت بستغرب من سراج بس ده عشان ابن عمي مش واحد غريب يعمل كده وصلت ونزلت وهو التاني مشي وصلت البيت ودخلت كانت هنا و مالك موجودين سلمت علي هنا وحضنتها ومالك قرب مني وكان بيشد فيا فشلته _ ايه يا مالك عامل ايه _كويث خالتوا عايز شيكولاته _ طيب هعقد شوية وانزل اجبلك هز راسه وقعد وانا قعدت جنب اختي وقعدنا مع بعض نهزر ونتكلم في مواضيع مختلفه وبعدها مالك أصر اننا ننزل نجيب كيكه وشيكولاته خدته ونزلت عند السوبر ماركت _ ازيك يا عم حسن _ بخير يا انسه هاجر اخبارك ايه مش باينه _ موجوده اهو بعد اذنك يا عم حسن هات كيكه وشيكولاته ل مالك ابتسم وجاب الحاجات وانا كنت طالعه جه مستر حازم في الوقت ده وابتسم ودخل السوبر ماركت وانا كنت هطلع ب